×
DAPA 12 | Basolatik Berri Onik Ez

DAPA 12 | Basolatik Berri Onik Ez

DAPA 12 | Basolatik Berri Onik Ez

‘Basolatik Berri Onik Ez’ Xabiroi aldizkarian atalka argitaratu den nobela grafikoa da. Orbaitzetako arma fabrika zaharraren deuseztatzea oinarri hartuta, Dani Fanok proposatu, Asisko Urmenetak idatzi eta Joseba Larretxek marraztutako alegiazko istorioa da. Laster, liburu formatuan kaleratuko da. Joseba Larretxe ‘Josevisky’ Irunen jaio zen 1985ean. Arkitektura ikasketak egin bazituen ere, komikigintzarako bokazioa izan du betidanik. Hainbat aldizkaritarako kolaborazioak (Argia, Gaztezulo, Xabiroi, H28…), beste hainbat nobela grafikotako ilustrazioak (‘Katu Hegoduna’, ‘Walking’, ‘Aingurak’ -honen gidoia ere bai-, ‘Joana Maiz’…) eta bestelako ilustrazio lanak egin ditu -2020ko Donostiako Jazzaldiaren kartela, esaterako-. Asisko Urmeneta Iruñean jaio zen 1965ean. ‘Napartheid’ aldizkari satirikoaren sortzailea da eta azken hamarkadetan mota guztietako ilustrazio lanak egin ditu: komiki labur eta tirak Argian, Xabiroin edota H28n, nobela grafikoak (‘Hegoekialde Urruneko Legenda’, ‘Erraondoko Azken Ttunttuneroa’, ‘Eusklabo Alaiak’, ‘AztiHitza: Xahoren Biografikoa’, ‘1620, Nafarroa Beheregaina’…), diska azalak (Oskorri edota Negu Gorriak-entzat…) eta abar.

Sortzaileak

Dani Fanok, Asisko Urmeneta eta Joseba Larretxe

 

Data

2020.09.16

 

Lekua

Dinamoa sormen gunea

 

 

Fitxategi mota

Bideoa

 

Iraupena

13:51

 

Creative Commons lizentzia
Lan hau Creative Commons Aitortu-EzKomertziala 4.0 Nazioartekoa lizentzia baten mende dago.

DAPA 11 | Atopia

DAPA 11 | Atopia

DAPA 11 | Atopia

Atopia RPG Euskal Herri surrealista batean kokaturiko rol-jokoa da, ETZI PMko kideek 2019ko Durangoko Azokan plazaratua. Marxialistak, lur4ak, ikurrin daltonikoak, errobot-lehendakariak edo dinosauroak. ‘Konspirazio guztiek dute balizko arrazoia Euskal Herri garaikidearen bertsio alternatibo honetan’. Eneko Olazabal eta Xabier Landabideari egindako elkarrizketak izan behar zuen erreportaje honen ardatza. Baina errealitatez betetako luizi batek hankaz gora jarri du dena azken hilabeteotan.
Sortzailea

Atopia

  Data

2020.04.20

  Lekua

Dinamoa sormen gunea

  Fitxategi mota

Bideoa

  Iraupena

9:07

  Creative Commons lizentzia Lan hau Creative Commons Aitortu-EzKomertziala 4.0 Nazioartekoa lizentzia baten mende dago.
DAPA 10 | Histeria (Hatxe)

DAPA 10 | Histeria (Hatxe)

DAPA 10 | Histeria (Hatxe)

Idoia Hernandez Hatxek beste hainbat artistekin batera osatu duen Histeria proiektuaren sorkuntza prozesua du oinarri ikus – entzunezko honek. Lau une uztartzen dira bertan: Dinamoa sormen gunean irudia landu zutenekoa, Azpeitiko udal musika bandaren lokalean musika sortu zutenekoa, Sanagustin kulturgunean emaitza aurkeztu zutenekoa eta emaitza bera. Idoia Hernandez Errenterian jaio zen 1988an. Musikaria da. Gaztetxoa zela musika ikasi zuen, baina utzi egin zuen Mikelazulo kultur elkartean lanean hasi zen arte. Bertako piano zaharraren aurrean jarri eta bertan sortu zuen bere proiektu pertsonala den Hatxe. Bere bigarren diska ‘Panpin hautsien dantza’ deitzen da eta bertan aurkitu daiteke ‘Histeria’ abestia.

Sortzailea

Idoia Hernandez

 

Data

2020.04.01

 

Lekua

Dinamoa sormen gunea

 

 

Fitxategi mota

Bideoa

 

Iraupena

5:34

 

Creative Commons lizentzia
Lan hau Creative Commons Aitortu-EzKomertziala 4.0 Nazioartekoa lizentzia baten mende dago.

DAPA 09 | Miñan

DAPA 09 | Miñan

DAPA 09 | Miñan

Miñan argitaratu eta hiru hilabete geroago, Amets Arzallusek Ibrahima Balderengana Madrilera egindako bisita bat du oinarri ikus-entzunezko honek. Ibrahima Balderen egunerokoa azaldu eta, bide batez, liburuaren nondik norakoez, ahozko literaturaz eta migranteen aferaz hausnartzen da bertan. Ibrahima Balde Gineako Konakryn jaio zen 1994an. Kamioi gidari izateko aprendiz ibili zen hiru edo lau urtez. Egun batean amak deitu zion arte: anaia txikia falta zen etxean. Eta haren bila abiatu zen. Basamortua gurutzatu; pasatzaile, polizia, bahitzaileekin topo egin; egarria, gosea, mina ezagutu. Afrikatik Europarako bidea egin zuen. Irunen, bertako Harrera Sarearen bidez, Amets Arzallus ezagutu zuen. Ibrahimak bere bidaia kontatu zion, eta Ametsek idatziz jaso. Horrela sortu zen Miñan. Gaur egun, Madrilen mekanika ikasketak egiten ari da. Amets Arzallus Antia Hendaian jaio zen 1983an. Bertsolaria da, baina tarteka kazetaritza eta idazle lanetan ere ibiltzen da. 2013ko Bertsolari Txapelketa Nagusia irabazi zuen eta txapeldunorde izan zen 2009an. Irungo Harrera Sarean boluntario lanetan ari zela ezagutu zuen Ibrahima Balde. Honek ahoz kontatua idatzira ekarri du Miñan liburuan.

Sortzailea

Amets Arzallus

 

Data

2020.03.18

 

Lekua

Dinamoa sormen gunea

 

 

Fitxategi mota

Bideoa

 

Iraupena

21:53

 

Creative Commons lizentzia
Lan hau Creative Commons Aitortu-EzKomertziala 4.0 Nazioartekoa lizentzia baten mende dago.