DAPA 19 | Los Sara Fontán

Esperimentazioaren emozioa da Sara Fontán, Edi Pou energia polierritmikoa: biek osatzen dute LOS SARA FONTÁN. Proiektuaren hasieratik diskorik ez grabatzeko hautua egin zuten; zuzenekoak bizi ditu: fisikoa, aldakorra, unean unekoa, lekuan lekukoa, industriaren errutina produktibotik ihesi. Inprobisazio gidatuan oinarritutako tailerra eman zuten Dinamoan, eta zoramen eder hartatik lagin hauxe ekarri dizuegu bideo honetan.

Sortzailea

Los Sara Fontán

Data

2021.01.26

Lekua

Dinamoa sormen gunea

Fitxategi mota

Bideoa

Iraupena

12:49

Lan hau Creative Commons Aitortu-EzKomertziala 4.0 Nazioartekoa lizentzia baten mende dago.

DAPA 18 | Labana eta orbana 

LABANA ETA ORBANA arte grafikoen esperimentazio tailerra izan da, 2020ko udazkenean egin duguna Dinamoan. Alaitz Alberdi (Azpeitia, 1982) eta Joseba Agirrezabalaga (Azpeitia, 1982) izan dira tailerra eman dutenak. Serigrafia, linografia eta beste arte grafiko batzuk aztertu, ikasi eta probatzeko aukera izan dute hamabost parte hartzaileek, beti ere teknika menderatzea baino irudiak sortzeko prozesuaz kontzientzia hartzea xede; teknika muga baino akuilu hartuta, akatsa baliatzea nork bere lana garatzeko. 

Sortzaileak

Alaitz Alberdi eta Joseba Agirrezabalaga

Data

2020.12.16

Lekua

Dinamoa Sormen Gunea

Fitxategi mota

Bideoa

Iraupena

6:43

Lan hau Creative Commons Aitortu-EzKomertziala 4.0 Nazioartekoa lizentzia baten mende dago.

DAPA 17 | Markos Gimeno

Markos Gimeno Vesga Ermuan jaio zen 1974an. Artista polifazetikoa eta hitz-joko egile aparta izan zen. Sormenerako gaitasun handikoa. Ingurukoak alaitu, entretenitu eta pentsatzen jartzeko dohaina zeukan, baina depresioak ere jotzen zuen tarteka, eta 44 urterekin, bere buruaz beste egin zuen. Haren ordenagailuan azterka ibili ondoren beste lan andana aurkitu zuten, eta erakusketa jarri Ermuan 2019an. Aitzakia horretatik abiatuta egin dugu bideo hau, in memoriam.

Sortzailea

Markos Gimeno

Data

2020.11.20

Lekua

Dinamoa sormen gunea

Fitxategi mota

Bideoa

Iraupena

12:13

Lan hau Creative Commons Aitortu-EzKomertziala 4.0 Nazioartekoa lizentzia baten mende dago.

DAPA 16 | Testura

Napoka Iria desegin ondoren hainbat proiektutan ibili zen Ander Mujika musikari, baina denbora baten ondoren tiraderan gordeta zituen zirriborroak atera eta oso berea izango zen zerbait marrazten hasi zen. Felix Buff eta Johannes Buff hartu zituen bidelagun soinu geruzen eraikuntzan. Maialen Belaustegik gardenkien proiektorea baliatuz diskoaren inguruko iruditeria landu zuen. Horrela sortu zen TESTURA, eta izen bereko diskoa kaleratu zuten 2020 martxoan Forbidden Colours etxearekin. Dinamoan prestatu zuten zuzeneko emanaldia, eta bertan eman aurkezpen kontzertua. Kontzertu horretako geruzak jaso ditugu bideoan.

Sortzailea

TESTURA

Data

2020.11.11

Lekua

Dinamoa sormen gunea

Fitxategi mota

Bideoa

Iraupena

6:44

Lan hau Creative Commons Aitortu-EzKomertziala 4.0 Nazioartekoa lizentzia baten mende dago.

DAPA 15 | Amorante

Amorante Iban Urizarren izen artistikoa da. Tradizioari traizio egitea zilegi dela mantentzen duen musikaria, tronpeta jolea eta kultura musikal ezberdinen maitale eta zalea. Musika ikasketa akademikoak ditu. Tronpeta bidelagun, hainbat proiektutan hartu du parte, hainbat musikariren diskoetan zein zuzenekoetan jo du. Herri musikatik abiatu eta ertzetatik mugitu den musikaria da. Disko berria atera du oraintsu: BAT EDO HIRU (2020, Forbidden Colours). Aitor Etxebarria musikaria izan da ekoizlea, ‘El_Txef_A’ ezizenarekin mundu osoan DJ gisa aritu ostean garai berri bati ekin diona bere izenarekin, eta MALA estudioan aritu dira lanean. Hantxe harrapatu genituen.