Thierry Biscary musikariarentzat egin dugun ikus-entzunezkoa. 2012an, Kalakan hirukotearekin Madonnaren MDNA Tour bira mundialean parte hartu zuen Anhauzeko abeslariak. Urte bizi baten ondotik Ipar Euskal Herrira itzuli zen ordea, eta 2018an bakarkako ibilbidea abiatu zuen. Lehenik, Manez ezizena hartu zuen, Manez eta Kobreak diska plazaratuz Kobreak metalezko tresnentaldearekin. 2020an Muda izeneko bigarren diskoa aurkeztu du, lehen aldiz bere izenean.